Skólagjöld í háskólum

Í frétt á visi.is í dag er vitnað í formann menntamálanefndar Alþingis, Sigurð Kára, þar sem hann segir að það sér tímaspursmál hvenær ríkisháskólum verði veitt heimild að taka upp skólagjöld.

Ég er þeirrar skoðunar að hófleg skólagjöld eigi rétt á sér. Þá geta menn hætt í þessum feluleik sem heitir innritunargjald uppá tugi þúsunda og kallað hlutina réttum nöfnum. Auk þess ættu stúdentar þá rétt á að fá lán fyrir skólagjöldunum. Þessi gjöld ættu því ekki að fæla frá fátæka námsmenn nema síður sé.

Athugasemdir

[Örvar (IP-tala skráð) 14.4.2008 kl. 08:14]

Það er líka alveg spurning hvort ekki sé orðið tímabært að hafa skólagjöld í framhaldsskóla og hætta þá þessari vitleysu að skólar fái fjárframlög í samræmi við útskrifaða nema.   Núna er það þannig að það er verið að hringja í suma af þessum eymingjum sem eiga að heita í skóla og grátbiðja þá um að mæta í skólana bara í þeirri veiku von að þeir útskrifist einhverntíma... 
Á mínum framhaldsskólaárum var maður einfaldlega rekinn úr skóla ef maður sinnti ekki lágmarksmætingaskildu.....
Ef maður vill hugsa í samsæriskenningum þá er einnig hætta á að skólar sleppi nemum frekar í gegnum próf ef þeir fá fyrir það pening í kassann....  Ekki það að ég sé að segja þá gera það til þess hlítur eftirlitið að vera of mikið á skólunum.

Auðvitað kemur þetta til með að hafa áhrif á budduna hjá sumum, öðrum ekki, en eins og kerfið er rekið í dag þá er það ekki að virka.

[Steini Briem (IP-tala skráð) 14.4.2008 kl. 22:11]

Er þá ekki kominn tími til nú þegar að kalla "einka"háskólana hér líka ríkisháskóla, ef kalla á hlutina "réttum nöfnum", strákar mínir?

"Kristín Ingólfsdóttir, rektor Háskóla Íslands, segist fagna því að þessi umræða fari fram. „Það er alveg ljóst að samkeppnisstaðan er skert þar sem aðrir skóla mega taka skólagjöld til viðbótar við framlög ríkisins og það er mál sem þörf er að ræða," segir hún."

[Sigurður Haukur Gíslason, 14.4.2008 kl. 22:40]

Rétt hjá þér Steini. Ég er hlyntur því að kalla hlutina réttum nöfnum. Mín vegna má kalla þessa háskóla ríkisháskóla, eða a.m.k. ríkisstyrkta háskóla.

[Gísli Baldvinsson (IP-tala skráð) 16.4.2008 kl. 09:42]

Hvað eru "hófleg skólagjöld"? Þessu algjörlega ósammála enda meðritsmíðari þessara stefnu: http://www.samfylkingin.is/Forsida/Frettir/Frettir/Lesafrett/2209

[Sigurður Haukur Gíslason, 16.4.2008 kl. 23:53]

Gísli: Einar Már Sigurðarson flokksbróðir þinnn sem situr í menntamálanefnd með Sigga Kára sagði á Alþingi í dag:

Sagði hann Íslendinga taka skólagjöld nokkuð óskipulega í sínum háskólum og ræða þyrfti málið. Grundvallaratriðið væri að jafnrétti til náms væri tryggt. Menn ættu að nálgast málið fordómalaust.

Ég gæti ekki verið meira sammála honum. Það verður að setja málið á dagskrá.