Það vantar svör við þessum spurningum

Af hverju hlustaði forsætisráðherra og formaður Sjálfstæðisflokksins ekki á aðvaranir Davíðs? Sigmar hefði átt að hnykkja betur á þessu. Mín skýring er að Geir hafi ekki trúað/treyst Davíð og því ekkert gert með þessar upplýsingar.

Mér fannst Sigmar gefast alltof fljótt upp þegar hann minntist á fund Davíðs og Sigurðs Einarssonar. Tilefnið var að Sigurður vildi að KB banki fengi að gera upp í evrum en Davíð tók það ekki í mál. Ég hefði því spurt Davíð: Af hverju fékk KB banki ekki að gera upp í evrum fyrst að hann var orðinn svona stór miðað við íslenskt hagkerfi?

Þegar Davíð staglaðist á því að hann hefði varað við útþenslunni þá hefði ég spurt hann: Af hverju var ekkert um þetta í skýrslum Seðlabankans um viðskiptabankana? Í þessum skýrslum voru bankarnir sagðir í lagi.

Davíð skammaði Sigmar fyrir að nota orðatiltækið "sumir telja" og er ég sammála honum. Ef Sigmar hefði verið vel undirbúinn þá hefði hann átt að vitna í öll erlendu viðskiptablöðin-tímaritin sem hafa sagt að núverandi seðlabankastjórn er rúin trausti og verður að segja af sér.

Hins vegar komst Davíð upp með að nota orðatiltækið "fólk leitar til mín" og vildi ekkert gefa upp frekar hvaða fólk þetta væri. Með því var hann á sama plani og Sigmar.

Að lokum hefði ég spurt Davíð: Fyrst þú ert sannfærður um að þú hafir gert allt rétt á sama tíma og mikið vantraust á þín störf, kom aldrei til greina að stíga til hliðar til að skapa frið, bíða eftir skýrslunni um hrunið, og koma þá fram og segja; ég sagði ykkur að ég gerði allt rétt?

Hefðir þú ekki verið maður að meiri?

 

Aukin bindiskylda hefði engu máli skipt

Fresta lækkun vaxta?

Í fréttinni kemur fram að millibankavextir hafa lækkað mikið að undanförnu. Síðan segir orðrétt:

"Með frestun á endurskoðun vaxtaálags erlendra húsnæðislána vill  Íslandsbanki koma á móts við þá viðskiptavini sem eru með húsnæðislán í erlendri mynt."

Hvernig getur það komið viðskiptamönnum til góða að fresta vaxta LÆKKUN?

Frestar endurskoðun á vaxtálagi húsnæðislána

Svona einfalt?

Er þetta svona einfalt? Af hverju var fyrrverandi heilbrigðisráðherra ekki búinn að gera þetta fyrir löngu? Var hann að hygla ákveðnum lyfjafyrirtækjum eða heildsölum?

Þessi stefna hefur verið á Norðurlöndunum síðan árið 2005. Erum við þá búin að henda fjórum milljörðum út um gluggann á þessum tíma?

Það verður fróðlegt að heyra hvernig Guðlaugur Þór bregst við þessu.

Lyfjaútgjöld lækka um milljarð

Breytum barnalögum strax

Þessi samantekt segir allt sem segja þarf:

• Tengslarof barna við feður eftir skilnað er ein alvarlegasta atlaga sem unnin er á barni.
• Deilur milli foreldra um umgengni/forsjá skaða barnið, oft alvarlega og til langs tíma.
• Réttarkerfið vinnur seint og oft illa við að afgreiða mál þegar deilur eru milli foreldra um forsjá og/eða umgengni.
• Réttarkerfið og félagsþjónustan almennt virðast oft huga meira að hagsmunum mæðra en hagsmunum barna.
• Á Íslandi eru samtímis a.m.k. 500 börn sem búa við skert lífsgæði og oft alvarlega stöðu vanlíðunar og sorgar vegna deilu foreldra um umgengni og/eða forsjá og vegna tengslarofs við feður. Sérstaklega á þetta við drengi.
• Flest öll skilnaðarbörn kjósa að verja meiri tíma með feðrum sínum en þeim er leyft eða kleift að gera. 70% þeirra vilja dvelja jafnt hjá báðum foreldrum sínum og 30% sem eftir stóðu vildu eyða umtalsverðum tíma með feðrum.
• Mæður virðast geta stýrt samskiptum barna og feðra og tálmað umgengni nánast óáreittar.
• Umgengnistálmanir, illt umtal, heilaþvottur og stýring þess foreldris sem barnið býr hjá gagnvart barninu og hinu foreldrinu eru meðal verstu skaðvalda sem hægt er leggja á barnið.
• Rannsóknir sýna að sameiginleg forsjá skiptir börn mjög miklu máli. Skilnaðarbörn sem búa við sameiginlega forsjá foreldra sinna hafa betri tengsl við báða foreldra og þeim líður almennt betur og þau standa almennt betur félagaslega og námslega en ef forsjá er hjá öðru foreldrinu.
• Mikilvægt er að styrkja rétt barna til jafnrar umgengni við báða foreldra, löggjöfin þarf að taka á því og tryggja börnum þann rétt. Ójöfn umgengni eykur á vanlíðan barna.

Skilnaður skaðar börnin til langs tíma

Stjórnsýsluleg afglöp

Nú skil ég af hverju Davíð vill ekki hætta í Seðlabankanum. Hann vill ekki skilja bankann eftir stjórnlausann. Með því kemur hann í veg fyrir fleiri stjórnsýsluleg afglöp.

Dagleg stjórn FME beið ekki skaða

Traust á grunnskólanum

Þetta minnir mig á umræðuna um samræmdu stúdentsprófin. Framhaldsskólarnir voru mjög á móti þeim og sögðu þau vera of stýrandi. Háskólarnir gætu bara treyst framhaldsskólunum fyrir að meta nemendur rétt.

Þetta hlýtur þá að gilda líka fyrir grunnskólann. Framhaldsskólar verða núna að treysta grunnskólum fyrir því að einkunnir nemenda séu réttar.

Annars skil ég ekki þessar áhyggjur. Er ekki allt í lagi að nemendur fái að spreyta sig í framhaldsskóla burt séð frá því hvernig grunnskólanámið gekk?

Inntökupróf slegin af

Óljós efnahagsstefna

Á mbl.is er viðtal við Árna Matt en einhverja hluta vegna er ekki hægt að blogga við fréttina. Hann segir:

„Það má eiginlega segja það að verkefnaáætlunin, það sem snýr að efnahagsmálunum, er eiginlega þau verkefni sem liggja fyrir og þegar er verið að vinna það. Það er ekki hægt að sjá að það séu mörg nýmæli þar. Reyndar er það nú þannig að það er ekki mjög nákvæmt útlistað hvað það er sem eigi að gera í flestum tilfellum. Ég eiginlega sé nú ekki að það hafi þurft að mynda nýja ríkisstjórn til að taka á þessum málum, sem eru í efnahagsáætluninni allavega,"

Má þá ekki reikna með að mikil samstaða verði á Alþingi næstu 80 daganna fyrst það er svona mikil samstaða meðal þingmanna um aðgerðir?

Asnaeyru

Ríkisstjórnin dróg landsmenn á asnaeyrum þangað til þau slitnuðu. Nú sér Þorgerður Katrín að kannski hefðu þau gengið of langt í drættinum. Þetta minnir mig á bifvélavirkjann sem var spurður hvað ætti að herða felguboltann mikið. "Slíta og hálfhring til baka" var svarið.

Í desember lofaði ríkisstjórnin breytingum á ráðherraliði um áramót. Það var svikið. Þá var lofað að það yrði í tengslum við landsfund Sjálfstæðisflokksins. Það var svikið í viðtali við Geir í Mogganum fyrir hálfum mánuði þar sem hann sagði að það væri "misskilningur". Engar breytingar væru fyrirhugaðar.

Framhaldið þekkja allir sem ekki voru með hausinn í sandinum.

Áttum að gera breytingar fyrr

Gott Björgvin

Almenningur er búinn að bíða eftir því að einhver stígi fram og höggvi á hnútinn. Nú þegar Björgvin hefur sagt af sér og stjórn og forstjóri FME á útleið er boltinn hjá Sjálfstæðisflokknum. Ekkert minna en afsögn Árna Matt og Seðlabankastjórn burt dugar til að jafna við útspil Björgvins.

Vill nýja bankastjórn í Seðlabankann

Leiðir til lausnar

Þessi ríkisstjórn nýtur ekki trausts, hvorki almennings né meirihluta þingmanna. Því miður eru ekki margir kostir í stöðunni og stjórnarandstöðuflokkarnir hafa sýnt í umræðunni að þeim er ekki treystandi heldur.  Ef ríkjandi stjórn ætlar að starfa fram að kosningum þarf að gera eftirfarandi breytingar. 

Kosningar eins fljótt og hægt er, mars eða apríl.

Nýr stjórnarsáttmáli þar sem einblítt er á efnahagsmál.

Verulegar breytingar í ráðherraliði beggja flokka.

Stjórn Seðlabankans víki svo og forstjóri FME.

Með þessu móti mætti lægja mestu óánægjuöldurnar.

Stjórnarskipti breyta engu