Asnaeyru

Ríkisstjórnin dróg landsmenn á asnaeyrum þangað til þau slitnuðu. Nú sér Þorgerður Katrín að kannski hefðu þau gengið of langt í drættinum. Þetta minnir mig á bifvélavirkjann sem var spurður hvað ætti að herða felguboltann mikið. "Slíta og hálfhring til baka" var svarið.

Í desember lofaði ríkisstjórnin breytingum á ráðherraliði um áramót. Það var svikið. Þá var lofað að það yrði í tengslum við landsfund Sjálfstæðisflokksins. Það var svikið í viðtali við Geir í Mogganum fyrir hálfum mánuði þar sem hann sagði að það væri "misskilningur". Engar breytingar væru fyrirhugaðar.

Framhaldið þekkja allir sem ekki voru með hausinn í sandinum.

Áttum að gera breytingar fyrr

Athugasemdir

[Kjartan Pétur Sigurðsson, 30.1.2009 kl. 17:04]

Það er ekki í mörgum þjóðlöndum þar sem þingmenn fara í mánaðar frí í upphafi þjóðargjaldþrots!

[Sigurður Haukur Gíslason, 30.1.2009 kl. 17:10]

Rétt Kjartan og ræða svo um greiðslur til líffæragjafa og hvort rétt sé að selja vín í kjörbúðum á fyrsta degi eftir jólafrí. Ekki alveg það sem þjóðin var að bíða eftir.