Hver er konan?

Hver er konan á myndinni og hvaða hlutverki hefur hún að gegna?

Hvorki í þessari frétt né öðrum af þessum fundi er minnst á þessa konu og ekki í neinum myndatexta. Það er eins og hún sé ekki á myndinni, eða hvað?

Býðst til að kosta kosningar

Þekkingarleysi þingmannsins

Það er ótrúlegt að þingmenn skuli ræða um skipan í nefndir af eins miklu þekkingarleysi og Kolbrún gerir hér með þessum hætti. Hún gerir lítið úr einu stærsta kynjamisrétti sem ríkir hér í okkar samfélagi en það er hvernig farið er með feður sem áhuga hafa á að umgangast og bera ábyrgð á börnum sínum eftir skilnað.

Eftir skilnað hafa feður ekki rétt til barnabóta.

Eftir skilnað eru feður skattlagðir sem barnlausir einstaklingar þrátt fyrir að þeir borgi meðlög. Þar með fá þeir ekki sömu vaxtabætur og mæður barnanna.

Eftir skilnað fá feður ekki að umgangast börnin sín til jafns við mæður þó svo að báðir foreldrar teljist jafn hæfir.

Þessi baráttumál er Félag um foreldrajafnrétti að berjast fyrir sem Kolbrún líkir við hvert annað fótboltafélag.

Það væri gaman að vita hvort þetta sé almennt stefna Vinstri grænna í jafnréttismálum, þ.e. að konur eigi að eiga meiri rétt en karlar.

Bendi svo á heimasíðu Félags um foreldrajafnrétti þar sem finna má ummæli Kolbrúnar og "afsökunarbeiðni" hennar.

Biðst afsökunar á ummælum

Treystir Hanna Birna ekki flokkssystur sinni?

Haft er eftir Hönnu Birnu að það sé vont að meirihlutinn í Reykjavík ætli að fela Þorgerði Katrínu að taka ákvarðanir varðandi framtíð Laugavegar 4 og 6.

Ég hefði haldið að Hann Birna treysti flokkssystur sinni betur heldur en núverandi meirihluta til að taka þessa ákvörðun.

Svo er greinilega ekki.

Hvað tefur?

Þar sem ég er nú sjálfur í forsvari fyrir stéttarfélag þá hef ég fylgst með þessu ferli af miklum áhuga. Mér fannst ótrúlegt hvað ASÍ og aðildarfélögin hafa verið róleg. Kröfugerð kynnt að hluta í byrjun desember og viðræðum strax slitið fram yfir áramót. Svo virðist sem að nú sé verið að bíða eftir útspili frá ríkisstjórninni, annars verði kjaraviðræðum vísað til ríkissáttasemjara.

Ég hélt að kjarasamningurinn hefði runnið út um áramót og að það væri metnaður samninganefnda félaganna að gera nýjan samning sem tæki við hinum gamla. Ekki sé ég að tíminn sé að vinna með mönnum.

Formenn aðildarfélaga Starfsgreinasambandsins ráða ráðum sínum

Gleðileg jól

Ég óska ykkur öllum gleðilegra jóla og megi nýja árið brosa við ykkur.

 

Reykjavíkurbréf

Reykjavíkurbréf Moggans 9. des. fjallar um niðurstöður PISA könnunar og tengsl þeirra við kjör kennara. Fast er skotið á menntamálaráðherra og get ég tekið undir hvert orð.

Auk þess vil ég benda á hvað Þorgerður Katrín gerði eftir að hafa skorið sveitarfélögin niður úr snörunni eftir sjö vikna verkfall 2004. Það hefði verið eðlilegt í kjölfarið að fara í naflaskoðun á kerfinu og reyna að bæta það.  Og hvað gerði hún eftir að hafa skipað kennurum í skólana aftur?

Ekkert! Ekki neitt!

Menntamálaráðherra sagði þá að kjör kennara kæmu sér ekki við, þetta væri mál sveitarfélaganna. Það sem hefur gerst síðan er að kaupmáttur launa kennara hefur hrapað og kennarar flúið í önnur störf án þess að menntamálaráðherra hafi haft af því nokkrar áhyggjur.

 Ég geri orð Reykjavíkurbréfsins að mínum:

"Þetta fólk lifir ekki á hugsjóninni einni fremur en aðrir. Kennurum finnst enn að þeir séu niðurlægðir með þeim launakjörum , sem þeim eru boðin."

 

Menntakerfið bregst íslenskum unglingum

Þetta er fyrirsögn á visir.is sl. föstudag, sjá hér.

Þessar niðurstöður koma mér ekki á óvart þar sem innan við helmingur af þeim sem eru að kenna náttúrufræði í grunnskólum hafa náttúrufræði sem valgrein samkvæmt skýrslu mmrn frá árinu 2003-04.  Í niðurstöðunum segir m.a.:  "Þegar náttúrufræðikennarar í 7. – 10. bekk er skoðaður í heild kemur í ljós að flestir þeirra eru grunnskólakennarar með BEd-próf og náttúrufræði sem valgrein, 38%."

Hvernig er hægt að ætlast til að nemendur standi sig vel ef kennarinn hefur litla sem enga þekkingu á námsefninu?

Undanfarin ár hef ég tekið kennaranema í efna- og eðlisfræði en nú í ár kemur enginn til mín.

Ástæðan?

Þeir fáu nemendur sem útskrifast úr KHÍ af náttúrfræðikjörsviði hafa ekki áhuga á eðlisfræði.

 

Kópavogur úr Launanefnd sveitarfélaga

Góðar fréttir af fjárhagsstöðu Kópavogs. Miðað við þessar tölur og rekstrarafgang uppá rúma fjóra milljarða á síðasta ári þá ætti Kópavogur að hafa efni á að segja sig úr Launanefnd sveitarfélaga.

Sú launapólitík sem LN rekur samrímist ekki metnaðarfullu og velstæðu bæjarfélagi eins og Kópavogi.

Áform um 2,2 milljarða afgang í Kópavogi

Foreldrar bera ábyrgð

Foreldrar bera ábyrgð á því að börn þeirra séu að hanga í tölvunni fram eftir nóttu. Ég sé bara ekki hvað er vandamálið. Ef barnið er of mikið í tölvunni að mati foreldra þá biðja foreldrar barnið að minnka notkunina. Ef það dugir ekki þá skipa. Ef það dugir ekki þá er tölvan tekin af barninu.

Ég hef aldrei skilið þá foreldra sem segja að barnið þeirra hangi alltof mikið í tölvunni og það sé ekkert hægt að gera. (Ekki nema barnið sé flutt að heiman)

Skrópa vegna tölvuleikja

Bara fyrir börn

Það var gott hjá Fréttablaðinu að íslenska heiti leikfangabúðarinnar JUST4KIDS í gær. Tilefnið var að búðin var oftast með lægsta verðið.

Leikfangabúðin auglýsir svo í blaðinu í dag þar sem vitnað er til fréttarinnar nema hvað það er búið að stroka yfir íslenska heitið og skrifa það enska í staðinn.

Og það á degi íslenskrar tungu.