Hverjir eru einstæðir foreldrar?

Dóttir mín er sjö ára en frá því að ég skildi við móður hennar fyrir fimm árum þá er ég barnlaus skv. skattalögum. Nú hefur ríkisstjórn jafnaðar og réttlætis hækkað vaxtabæturnar.

Hvort á ég rétt á 237 þús. eða 305 þús. í vaxtabætur?

Getur einhver svarað því?

Vaxtabætur hækka í 237 þús.

Athugasemdir

[Gísli Baldvinsson (IP-tala skráð) 12.3.2009 kl. 21:10]

Samkvæmt þessu frumvarpi þá ertu - líkt og í barnalögum barnlaus einstæðingur. Þetta þarf auðvitað að laga.

[Ingibjörg Hinriksdóttir, 12.3.2009 kl. 23:34]

Auðvitað á að laga þetta, en því miður er alltaf verið að spila á kerfið! Þetta verður erfitt held ég, því miður!

[Sigurður Haukur Gíslason, 12.3.2009 kl. 23:51]

Spila á kerfið?? Nú skil ég ekki alveg Ingibjörg. Það er nokkuð ljóst að ég er faðir þegar kemur að greiðslu meðlags svo að það ætti ekki að vera flókið að skattleggja mig sem einstæðan faðir.

[Gústa (IP-tala skráð) 13.3.2009 kl. 11:38]

Auðvitað er þetta alltaf erfitt en gott er að finna fyrir þeirri vakningu sem hefur orðið hjá forsjárlausum feðrum um réttindi barna til samvista við báða foreldra og aukna ábyrgð og réttindi feðra. Margt hefur breyst á þeim 18 árum sem ég hef verið einstæð móðir. Hef ég þekkt og umgengist tugi einstæðra mæðra og eru þar mjög misjafnar aðstæður. Sumir feðranna hafa stutt við sín börn, tekið fullan þátt í uppeldi og útgjöldum og hegðað sér eins og feðrum ber.

 Aðrir hafa lítið tekið þátt í uppeldi, margir ekki tekið þátt í neinum útgjöldum heldur bara greitt sitt meðlag og búið. Margir hafa ekki haft mikinn áhuga að hitta börnin eða vera með þeim, og mæðurnar staðið í uppeldi einar. Þær konur eru með sönnu einstæðir foreldrar sem fá sitt meðlag en sjá að öðru leyti alfarið um uppeldi, útgjöld ofl. Margar hafa haft börn í tannréttingum og slíku og staðið alfarið einar í þeim útgjöldum.

Það er því miður svo að vegna skussa og manna sem hafa lagt sig lítið eftir uppeldi, samvistum eða þáttöku í framfærslu barna sinna gera hinum sem standa sína foreldrapligt í einu öllu erfitt fyrir eins og alltaf.

Barnabætur, vaxtabætur og meðlög eru því lífsnauðsynleg fyrir þá foreldra sem standa alfarið einir undir uppeldi og framfærslu barna sinna og þó að mikið vatn hafi runnið til sjávar á þeim tíma sem ég hef verið einstætt foreldri er staðreyndin sú að einstæðir foreldrar sem þurfa einir og óstuddir að standa straum af framfærslu sinna barna utan 21.000 meðlags eru í meirihluta.

 Þegar kemur að td tannlæknakostnaði á eg eina vinkonu sem aldrei fengið nokkra aðstoð við nokkurn hlut með sín börn frá föðurnum utan meðlagsins og var tannlæknakostnaður hennar barna td 139.000 á síðasta ári. Fatnaður, tómstundir og lækniskostnaður ásamt leikskólagjöldum, skóladagheimilisgjöldum og almennri framfærslu er langt umfram það sem meðlag x 2 gerir og því er ekki hægt að leggja það yfir línuna að forsjárlausir foreldrar fari að fá meðferð í skattkerfinu eins og þeir sem bera þungan af framfærslunni fyrr en ljóst er að allir þeir sem eru,,einstæðir" foreldrar beri yfir línuna 50% af kostnaði við framfærslu barna sinna. Í dag er það bara enganveginn þannig almennt þó að ákveðið hlutfall feðra sjái um sitt. ( Ég tala um feður hér því einstæðar mæður eru um 11.000 á landinu á meðan einstæðir feður eru um 500 samkvæmt hefðbundnum skilgreiningum).

 Hinsvegar er það gleðiefni að feður eru farnir að láta til sín taka og stíga fram fyrir skjöldu í því að vera tilbúnir að bera 50% af kostnaði fyrir framfærslu barna sinna, krefjast hugarfarsbreytinga í samfélaginu og vilja meiri réttindi útá það í skattkerfinu og vilja bera ábyrgð á uppeldi og framfærslu barna sinna. Er það gleðiefni því oftar en ekki hefur maður staðið í því og stutt aðrar einstæðar mæður í því að kalla eftir ábyrgð feðra á uppeldi og framfærslu barna sinna í gegnum árin. Með misjöfnum árangri þó í gegnum tíðina. Breyttir tímar eru vonandi í nánd í þessum efnum.

[Sigurður Haukur Gíslason, 13.3.2009 kl. 12:12]

Gústa! Með þessum rökum þá eigum við að banna áfengi því einhverjir eru að misnota það. Leggja niður atvinnuleysisbætur því einhver er að misnota kerfið. (Hef bloggað um það áður hér).

En alltaf þegar bent er á óréttlætið í kerfinu rísa varðhundar kerfisins upp og benda á þá örfáu karla sem hafa engan áhuga á uppeldi barna sinna. Hvernig væri nú að nota okkur sem hugsum vel um börnin okkar sem samnefnara fyrir forsjárlausra foreldra? Ekki er strætisróni dæmigerður fyrir þann sem neytir áfengis?

Ég á líka vin sem borgar tvöfalt meðlag með tveimur börnum. Konan fór fram á að hann borgaði auk þess helming í tannlæknakostnaði. Hann var ekki sáttur með það en sýslumaður dæmdi hann til að borga. Karlar eru ekki sleppa "billega" í þessu kerfi eins og þú heldur fram.

Þú segir" foreldri er staðreyndin sú að einstæðir foreldrar sem þurfa einir og óstuddir að standa straum af framfærslu sinna barna utan 21.000 meðlags eru í meirihluta."

Það foreldri sem fær meðlagið á að leggja 21.000 kr á móti sem gera 42.000 kr. á mánuði. Svo fær foreldrið barnabætur og vaxtabætur ofaná það. Fullyrðingar um að þetta dugi ekki fyrir útlögðum kostnaði hefur ekki verið reiknaður út í mörg ár. Það er bara fullyrt að þetta sé ekki nóg.

Ég mana þig að koma með raunhæft dæmi um framfærslukostnað barns á einu ári.

[Björn Axelsson (IP-tala skráð) 13.3.2009 kl. 23:55]

Get ekki verið meira sammála þér Sigurður. Það er með ólíkindum hverig kerfið tekur á "einstæðum" feðrum. Það er líka einstaklega sorglegt þegar konur eru komnar í þær skotgrafir að vera með alhæfingar og dæmi sem eru ekki að representera meirihluta karla sem eru í sömu aðstæðum og við... og Gústa ég er þakklátur fyrir að þú skulir nenna að taka þátt í þessari umræðu þó þú sért með fyrirfram mótaðar skoðanir á þessu málefni sem er ekki lýsandi fyrir meirhluta karla sem eru í sömu stöðu og við Sigurður.