Réttindi barna við skilnað

Var á góðri ráðstefnu um réttindi barna við skilnað sem Félag um foreldrajafnrétti stóð fyrir í dag. Það sem mér fannst standa uppúr var að allir fyrirlesararnir voru sammála um að núgildandi lög og reglur varðandi þessi mál eru algjörlega úrelt.

Ég ætla að stikla á stóru um það sem mér fannst standa uppúr í dag.

Lúðvík Börkur Jónsson:

Frakkar leggja áherslu að breyta sem minnstu við skilnað. Hér á landi er reglan að breyta sem mestu.

95% meðlagsgreiðenda eru karlmenn. Færa má rök fyrir því að það viðhaldi kynbundnu launamisrétti. (Gamla mýtan: karlinn skaffar -  konan hugsar um börnin)

Ólafur Ragnar Grímsson:

Réttur barna og almenn mannréttindi eiga að vera í sífelldri endurskoðun.

Jóhanna Sigurðardóttir:

700 skilnaðarbörn með lögheimili hjá körlum. 17.000 skilnaðarbörn með lögheimili hjá konum.

Dögg Pálsdóttir:

Barn geti átt lögheimili hjá báðum foreldrum = meðlag fellur niður. Enginn munur gerður á ábyrgð né umgengni milli foreldra. Sjá meira hér

Ásgeir Ingvi Jónsson:

Börn ekki tryggð hjá foreldri ef lögheimilið er ekki hjá því.

 Þórhallur Heimisson:

Börn eru ekki vopn til að ná sér niður á fyrrverandi maka.

Jón Gnarr:

Hélt hann ætti einhvern rétt þegar hann skildi en komst að því að réttarstaðan er engin. Borgaði tvöfalt meðlag með börnum sínum þrátt fyrir að þau dveldu langdvölum hjá sér.

Guðmundur Steingrímsson:

Einstæðir feður eiga ekki börn samkvæmt kerfinu ef börn þeirra eru ekki skráð með lögheimili hjá þeim.

 

Verði frumvarp Daggar Pálsdóttur um breytingar á barnalögum að veruleika er stigið stórt skref í jafnréttisbaráttu hér á landi. Það er ekki bara hallað á konur í okkar samfélagi.

Á hverjum degi er verið að brjóta mannréttindi á börnum hér á landi með því að hindra rétt þeirra til að umgangast báða sína foreldra.

Athugasemdir

[Inga María, 11.11.2007 kl. 23:40]

Já hef aldrei skilið það að karlmenn eigi ekki sama rétt og konur varðandi það að fara fram á faðernisrannsókn ef þeir gruna að þeir eigi tiltekið barn...hafa ekki getað sótt rétt sinn..segi bara mikið var! 

[Jóhanna Magnúsar- og Völudóttir , 12.11.2007 kl. 09:21]

Takk fyrir þetta góða yfirlit. Mér finnst þetta athyglisvert og langaði að koma á þennan fund en var bundin í báða ,,gönguskó"..! Varðandi punktinn hans Þórhalls Heimissonar:  Ég hef því miður heyrt allt of oft um mæður sem vilja ráðskast með líf feðranna og samband þeirra við börnin. Karlinn er logandi hræddur við konuna að hún hindri umgengni hans við barnið/börnin ef hann situr ekki og stendur eins og henni hentar. Þetta er ein tegund ofbeldis og mjög grimmileg.  

[Gísli Gíslason, 13.11.2007 kl. 17:11]

Ég var á ráðstefnunni og þetta var sannarlega fín ráðstefna.  Sem betur fer eru þessi málefni að hlóta meiri skilning hjá ráðamönnum.  Almenningur er einnig að verða betur upplýstur að "myndin er skökk", eins og Guðmundur Steingrímsson orðaði þetta.