Fresta lækkun vaxta?

Í fréttinni kemur fram að millibankavextir hafa lækkað mikið að undanförnu. Síðan segir orðrétt:

"Með frestun á endurskoðun vaxtaálags erlendra húsnæðislána vill  Íslandsbanki koma á móts við þá viðskiptavini sem eru með húsnæðislán í erlendri mynt."

Hvernig getur það komið viðskiptamönnum til góða að fresta vaxta LÆKKUN?

Frestar endurskoðun á vaxtálagi húsnæðislána

Athugasemdir

[Neo, 23.2.2009 kl. 09:07]

Ég hjó eftir því nákvæmlega sama!

[Gísli Gunnlaugsson (IP-tala skráð) 23.2.2009 kl. 09:19]

Þeir eru að tala um að fresta því að hækka álagið ofan á libor vexti því að þeim þótti það alveg sjálfsagt að þeir fengju í sinn hlut hagnaðinn af því að vextirnir lækkuðu.  þannig hefur þetta alltaf verið.  Nú eru hinsvegar heimilin sem tóku þessi lán meira og minna gjaldþrota og þá kunna þessir drullusokkar ekki við að herða enn á snörunni.  Þeirra skítlega eðli er hins vegar þannig að þeir ætla að bíða í ár og athuga hvort það séu ekki allir búnir að gleyma þessu og þá kemur mjög fyrirferðarlítil frétt um að bankinn hafi ákveðið að hækka vaxtaálag vegna stöðu á gjaldeyrismarkaði eða eitthvað þessháttar bla bla og um leið ná þeir að slökkva á síðasta lífsneistanum úr heimilunum í landinu.

[Æsir (IP-tala skráð) 23.2.2009 kl. 09:35]

Til Þeirra Sem Skulda farið að reikna og í framhaldi hættið að borga það er það eina sem auðmenn munu hlusta á

Mótmælið Hættið að borga

Kveðja

[Pétur (IP-tala skráð) 23.2.2009 kl. 09:41]

Endurskoðun á "VAXTAÁLAGI!"... grunnvaxtaprósentan flýtur með LIBOR vöxtum, bankinn frestar því hinsvegar að endurskoða vaxtaálagið sem færi upp úr þakinu ef það ætti endurspegla það vaxtaálag sem bönkunum býðst á erlendum lánum (eða bauðst)

[Sigurður Haukur Gíslason, 23.2.2009 kl. 09:52]

Takk fyrir þetta Gísli og Pétur. En það er ekkert talað um í þessari frétt hvernig vaxtaálagið hefur breyst heldur einungis að vextir hafi lækkað mikið á þessu tímabili.

Nú spyr ég í framhaldi: Hvað hefur vaxtaálagið hækkað mikið á umræddu tímabili?

[Karl. S. G. (IP-tala skráð) 23.2.2009 kl. 10:01]

Örlæti Ísglitsbanka er yfirþyrmandi. Maður verður orðlaus.

[Pétur (IP-tala skráð) 23.2.2009 kl. 10:36]

Jafnvel moggabloggarar hljóta að muna eftir umræðunni um skuldatryggingarálagið?

Dæmi:

http://www.visir.is/article/20081003/VIDSKIPTI06/653582621/-1

[Sigurður Haukur Gíslason, 23.2.2009 kl. 10:47]

Ok Pétur. Ég vissi ekki að maður þyrfti að lesa fimm mánaða gamla frétt af visir.is til að skilja þessa fréttatilkynningu.

En Pétur, hvað þýðir þessi vísisfrétt á mannamáli?

Þýðir hún að þrátt fyrir að LIBOR vextir hafi lækkað um 2,4 prósentustig þá hefðu vextir á íbúðalánum hækkað samt ef þeir hefðu verið endurskoðaðir?

[Pétur (IP-tala skráð) 23.2.2009 kl. 11:01]

Á einföldu máli má reikna fjármögnunarkostnað bankans á eftirfarandi hátt:

Grunnvextir + Skuldatryggingarálag + Álag lánveitanda.

Bankinn tekur svo lánskjör sín og lánar áfram til sinna viðskiptavina að viðbættu álagi/þóknun.

Meðan allt lék í lyndi var skuldatryggingarálagið í kring um 40-60 punkta (0,4 - 0,6 prósentustig) ef ég man rétt. Skv. þessari frétt á vísi erum við að tala um nær 5.000 punkta í formi skuldatryggingarálags, það eru 50 (fimmtíu) prósentustig.

[Sigurður Haukur Gíslason, 23.2.2009 kl. 11:19]

Ok Pétur, þetta er að verða ansi fróðlegt.

Þannig að ef þeir sem eru með húsnæðislán í erlendri mynt ættu að borga rétta vexti af lánum sínum þá væru þeir í kringum 50% en ekki 5%. Bankinn er því að niðurgreiða vaxtakostnaðinn um 45 prósentustig.

Hvaðan koma þeir peningar? Úr ríkissjóði væntanlega þar sem Íslandsbanki er í ríkiseigu?

Njóta þeir sem eru með íslensk verðtryggð lán sömu velvildar Íslandsbanka?