Breytum barnalögum strax

Þessi samantekt segir allt sem segja þarf:

• Tengslarof barna við feður eftir skilnað er ein alvarlegasta atlaga sem unnin er á barni.
• Deilur milli foreldra um umgengni/forsjá skaða barnið, oft alvarlega og til langs tíma.
• Réttarkerfið vinnur seint og oft illa við að afgreiða mál þegar deilur eru milli foreldra um forsjá og/eða umgengni.
• Réttarkerfið og félagsþjónustan almennt virðast oft huga meira að hagsmunum mæðra en hagsmunum barna.
• Á Íslandi eru samtímis a.m.k. 500 börn sem búa við skert lífsgæði og oft alvarlega stöðu vanlíðunar og sorgar vegna deilu foreldra um umgengni og/eða forsjá og vegna tengslarofs við feður. Sérstaklega á þetta við drengi.
• Flest öll skilnaðarbörn kjósa að verja meiri tíma með feðrum sínum en þeim er leyft eða kleift að gera. 70% þeirra vilja dvelja jafnt hjá báðum foreldrum sínum og 30% sem eftir stóðu vildu eyða umtalsverðum tíma með feðrum.
• Mæður virðast geta stýrt samskiptum barna og feðra og tálmað umgengni nánast óáreittar.
• Umgengnistálmanir, illt umtal, heilaþvottur og stýring þess foreldris sem barnið býr hjá gagnvart barninu og hinu foreldrinu eru meðal verstu skaðvalda sem hægt er leggja á barnið.
• Rannsóknir sýna að sameiginleg forsjá skiptir börn mjög miklu máli. Skilnaðarbörn sem búa við sameiginlega forsjá foreldra sinna hafa betri tengsl við báða foreldra og þeim líður almennt betur og þau standa almennt betur félagaslega og námslega en ef forsjá er hjá öðru foreldrinu.
• Mikilvægt er að styrkja rétt barna til jafnrar umgengni við báða foreldra, löggjöfin þarf að taka á því og tryggja börnum þann rétt. Ójöfn umgengni eykur á vanlíðan barna.

Skilnaður skaðar börnin til langs tíma

Athugasemdir

[Margrét Júlía Rafnsdóttir, 10.2.2009 kl. 23:18]

Því miður hugsa foreldrar ekki alltaf um það sem barninu er fyrir bestu, heldur hugsa fremur um eigin hag. Í skyrslunni kemur t.d. fram að oft sé það foreldri sem er yfirgefið haldið reiði og biturleika í garð hins foreldrisins sem birtist svo jafnvel í hefnd. Hefndin geti t.d. falist í því að reyna að slíta á tengsl barnsins við foreldrið t.d. með því að flytja með barnið langt í burtu. Þarna hugsar foreldrið ekki hvað barninu er fyrir bestu, því allar rannsóknir sýna það að það er betra fyrir barnið ef foreldrar búa í sama skólahverfi. Barnasáttmáli Sameinuðu þjóðanna, sem Íslendingar hafa staðfest, kveður á um að í öllum ákvörðunum sem teknar eru í málefnum barna skuli huga að því sem þeim er fyrir bestu. Í sáttmálanum er líka kveðið á um rétt barna til að umgangast báða foreldra sína. Íslensk löggjöf á að endurspeggla þennan sáttmála og mjög mikilvægt er að endursoða barnalög hið fyrsta.

[Björn Axelsson (IP-tala skráð) 14.2.2009 kl. 00:55]

Sorglegt svo ekki sé meira sagt.  Hvenær kemst þetta samfélag af steinaldarstiginu hvað þessa hluti varðar.

[Gísli Gíslason, 14.2.2009 kl. 23:45]

Aldeilis frábær skýrsla hjá Stefaníu. 

Það eru grundvallarbreytingar sem þurfa að eiga sér stað í samfélaginu. Það þarf að hætta að spyrja þeirra  spurningar, hvoru foreldri er barnið nánar og það foreldri fær forsjá, lögheimili, barnabætur, meðlög, mæðra/feðralaun osfrv.  út á það ganga  barnalög í dag. 

Í stað þarf að spyrja:

1. Hvernig er réttur barns til beggja foreldra tryggður sem best. 
2. Hvernig er hægt að raska sem minnstu fyrir barnið við skilnað foreldra. 
3. Hvernig er hægt að hafa réttindi og skyldur beggja foreldra sem jafnasta

Til þess að þetta gerist þarf að viðurkenna þá staðreynd að bestu hagsmunir barns eru báðir foreldrar og foreldrajafnrétti eru bestu hagsmunir barna, hvort sem foreldra búa saman eða í sitthvoru lagi. 

Hlutir mjakast.  Árið 2005 var orðið foreldrajafnrétti fyrst notað í opinberu máli.  Þegar við gúggluðum nafnið á þeim tíma þá kom 0 niðurstöður.  Í dag er það að verða viðurkennt heiti og verður viðurkennt sem bestu hagsmunir barna.  Og foreldrajafnrétti er raunar forsenda til að við náum launajafnrétti kynjanna.