Greiða kennarar mat nemendanna?

Á miðopnu Moggans í dag er fréttaskýring um matarkostnað nemenda í grunnskólum með fyrirsögninni:

"Greiða nemendur mat kennaranna?

Þessari spurningu veltir matreiðslumaður fyrir sér sem þekkir vel til í rekstri skólamötuneyta. Hann segir að hráefniskostnaður 6-11 ára nemenda sé ekki nema 100 kr. og á unglingastigi aldrei meira en 250 kr. en nemendur borga 250-280 kr. fyrir matinn. Hann spyr hvort mismunurinn fari í að greiða matinn ofan í aðra starfsmenn skólanna.

Ég borða sama mat og nemendur mínir og borga 482 kr. fyrir skammtinn. Ef hráefniskostnaðurinn er 250 kr. í hvað fara þá 232 kr. sem ég borga umfram hráefniskostnað? Í kjarasamningum kennara er kveðið á um að kennurum sé gefinn kostur á að kaupa mat í skólunum og borga hráefniskostnað en sveitarfélagið borgar laun matráðs.

Er ég kannski að niðurgreiða mat nemenda? Er það ekki ólögleg skattlagning?

Athugasemdir

[Gísli Baldvinsson (IP-tala skráð) 30.12.2008 kl. 08:42]

Kallar þetta ekki á fyrirspurn í skólanefnd?

[Kristín Guðbjörg Snæland, 30.12.2008 kl. 16:11]

Rosalega er maturinn dýr hjá ykkur. Í Árskóla á Sauðárkróki borga bæði kennarar og nemendur 240 krónur fyrir matinn!!!!

[Sigurður Haukur Gíslason, 30.12.2008 kl. 17:06]

Ég þarf greinilega að skoða þetta betur á nýju ári.

Endar kannski með því að maður komi bara með nesti að heiman