Barnabætur ríkisstjórnarinnar

Ein af aðgerðum ríkisstjórnarinnar er að greiða barnabætur út mánaðarlega í stað á þriggja mánaða fresti. Þó svo að ég eigi barn þá fæ ég ekki barnabætur þar sem ég á ekki barn í skilningi skattalaga. En það er ekki það sem ég var að furða mig á.

Þar sem barnabæturnar eru greiddar fyrirfram er þá ekki betra að fá þrjá mánuði í einu? Þá getur maður notað greiðslur fyrir einn mánuð og ávaxtað hina tvo á meðan.

Með þessari aðgerð er ríkissjóður að hirða vextina en ekki heimilin í landinu. Eða hvað?