Að lifa lífinu

Í Morgunblaðinu í dag er viðtal við Magnús Kristinsson þar sem hann er spurður álits á aflaheimildum á næsta fiskveiðiári. Hann segir að þetta sé „hneyksli og hneisa“ og „efnahagsumhverfið er þannig að maður er á mörkum þess að geta lifað lífinu“.

Um hvað er maðurinn að tala?

Getur hann ekki lifað lífinu að því að hann hefur svo litlar tekjur. Hann greiddi á síðasta ári tæpar 33 milljónir í tekjuskatt svo það getur varla verið.

Getur hann ekki lifað lífinu af því að bensínið er svo dýrt á þyrluna?

Getur hann ekki lifað lífinu að því hann á svo litlar eignir? Hann sem á m.a. Toyota umboðið.

Guð sé lof að ég á bara Toyota Carina 1991 módelið sem ég keypti fyrir fjórum árum á 200 þús. kall. Ég get nefnilega ágætlega lifað lífinu í þessu efnahagsumhverfi með því að sníða stakk eftir vexti.

 

Athugasemdir

[Gísli Baldvinsson (IP-tala skráð) 2.7.2008 kl. 13:23]

Samskot fyrir manninn.

[Rósa Harðardóttir, 2.7.2008 kl. 18:33]

Hann lifir í einhverjum öðrum veruleika eða vídd en við