Aðal og aukahlutverk

Vegna áttræðisafmælis Steingríms Hermannssonar hafa margir rifjað upp þjóðarsáttarsamningana 1990. Ekki hugnast Morgunblaðinu söguskýringar Jóns Baldvins og fleiri að það hafi verið að frumkvæði Steingríms sem þeir voru gerðir. Nú í Mogganum í dag skrifar Agnes Bragadóttir um þetta og bendir á að Einar Oddur, Guðmundur J. og Ásmundur Stefánsson hafi verið í aðalhlutverkum en stjórnvöld í aukahlutverkum.

Ekki minnist Agnes einu orði á þátt verkalýðsins sem tók á sig þessar kaupmáttarskerðingar sem í þessum samningum fólust. Ég var á þessum tíma verkamaður í Dagsbrún og herti sultarólina í ljósi þess að fá umbun síðar. (Hún kom reyndar seint og illa).

Hinn almenni launamaður var í aðalhlutverki þegar þjóðarsáttarsamningarnir voru gerðir, svo því sé haldið til haga.

Athugasemdir

[Gísli Baldvinsson (IP-tala skráð) 25.6.2008 kl. 11:49]

Mikið rétt. Hvergi kemur fram að sérstaka sendinefnd þurfti til að sannfæra þáverandi borgarstjóra í Reykjavík.