Nefndarmenn borgarinnar vanhæfir?

Í moldviðrinu í síðustu viku þá týndist ein frétt sem mér fannst mjög merkileg. Hún var á þá leið að formaður velferðarráðs Reykjavíkurborgar, Jórunn Frímannsdóttir, útilokar ekki að endurskoða þurfi samsetningu nýskipaðrar barnaverndarnefndar í borginni. Nýskipuð nefnd hafi hvorki faglegar forsendur né reynslu til ákvarðanatöku um framtíð barna og fjölskyldna þeirra og því þurfi að treysta á faglegt mat embættismanna borgarinnar.

Ég spyr: Hvað með aðrar nefndir og ráð Reykjavíkurborgar?

Hafa þeir sem sitja í Menntaráði fyrir hönd stjórnmálaflokkana faglegar forsendur til að sitja þar eða treysta þeir bara á embættismenn borgarinnar?

 

Athugasemdir

[Gísli Baldvinsson (IP-tala skráð) 5.2.2008 kl. 10:47]

Í þessu felst stór spurning. Ef fagþekking nefndarmanna er lítil eða engin er máttur embættismanna mikill.

[Sigurður Haukur Gíslason, 5.2.2008 kl. 14:36]

Gísli!

Er það gott eða slæmt að máttur embættismanna sé mikill?

[Gísli Baldvinsson (IP-tala skráð) 6.2.2008 kl. 15:55]

Skv. bókinn slæmt...skv. Já ráðherra...gott

[Þorgerður Laufey Diðriksdóttir, 7.2.2008 kl. 11:09]

þú segir nokkuð

flestir sem sitja í menntaráði eru foreldrar barna sem eru í grunnskóla eða hafa sjálfir verið í skóla á miðri síðustu öld

[Sigurður Haukur Gíslason, 7.2.2008 kl. 12:54]

Þorgerður! Þú situr í Menntaráði og ert því inní málunum.

Hvert er svarið við síðustu spurningunni:

Hafa þeir sem sitja í Menntaráði fyrir hönd stjórnmálaflokkana faglegar forsendur til að sitja þar eða treysta þeir bara á embættismenn borgarinnar?

[Þorgerður Laufey Diðriksdóttir, 7.2.2008 kl. 17:24]

Sigurður! Þú situr í skólaráði Kópavogs og ert því inní málunum.

til að svara þessu þá er menntaráð skipað fólki sem hefur bæði faglega forsendur til að sitja þar en ekki síður mikinn áhuga á góðum skóla fyrir nemendur borgarinnar.

Okkar hlutverk áheyrnarfulltrúa, kennara, skólastjórnenda og foreldra að benda á þá þætti sem útundan verða.

Embættismenn eru valdir af pólitískum fulltrúum til að fara með valdið á milli funda.

þeir eru upp til  hópa að vinna vel og gera það að bestu sannfæringu fyrir málaflokkunum.

Best er að sjálfsögðu þegar þetta fer vel saman og allir róa á sömu mið.

[Gísli Baldvinsson (IP-tala skráð) 8.2.2008 kl. 10:48]

Fróðleg lesning ykkar formannanna. Embættismenn eru meir en valdir af pólitíkusum til verka. Embættismenn eru, en stjórnmálamenn koma og fara. er hún ekki kunnugleg setningin "Talaðu við Birgi Sjálfan" ? Þetta þýddi það þegar ég var í ykkar sporum óg lagði fram hugmyndir til þáverandi menntamálaráðherra. Hann svaraði oft með þessari setningu. Hver bar þessi Birgir? Ráðuneytisstjórinn!

[Þorgerður Laufey Diðriksdóttir, 8.2.2008 kl. 13:02]

einmitt þetta er mergur málsins; embættismenn eru, en pólitíkusar fara og koma.

Einn pólitíkus sem lét hafa eftir sér ; segist vera búinn að vera í 100 daga fríi er sé aftur á leið í menntaráð.

Því er sp. ekki auðsvarða frekar en góðar spurningar eiga að vera, hvort eru það embættismenn eða pólitíkusar sem fara með völdin.