Reykjavíkurbréf

Reykjavíkurbréf Moggans 9. des. fjallar um niðurstöður PISA könnunar og tengsl þeirra við kjör kennara. Fast er skotið á menntamálaráðherra og get ég tekið undir hvert orð.

Auk þess vil ég benda á hvað Þorgerður Katrín gerði eftir að hafa skorið sveitarfélögin niður úr snörunni eftir sjö vikna verkfall 2004. Það hefði verið eðlilegt í kjölfarið að fara í naflaskoðun á kerfinu og reyna að bæta það.  Og hvað gerði hún eftir að hafa skipað kennurum í skólana aftur?

Ekkert! Ekki neitt!

Menntamálaráðherra sagði þá að kjör kennara kæmu sér ekki við, þetta væri mál sveitarfélaganna. Það sem hefur gerst síðan er að kaupmáttur launa kennara hefur hrapað og kennarar flúið í önnur störf án þess að menntamálaráðherra hafi haft af því nokkrar áhyggjur.

 Ég geri orð Reykjavíkurbréfsins að mínum:

"Þetta fólk lifir ekki á hugsjóninni einni fremur en aðrir. Kennurum finnst enn að þeir séu niðurlægðir með þeim launakjörum , sem þeim eru boðin."

 

Athugasemdir

[Gísli Baldvinsson (IP-tala skráð) 9.12.2007 kl. 20:35]

Mig minnir að ég hafi skrifað grein í Morgunblaðið 1974 þar sem ég bendi á að kennarar lifi ekki á hugsjónum einum. Sama á við í dag. Reynsla mín segir mér að ef ekkert fer að skýrast í launamálum grunnskólakennara um miðjan febrúar á næsta ári þá fari af stað gamalkunnugt ferli.

[Rósa Harðardóttir, 9.12.2007 kl. 23:07]

Já þetta er til skammar hvernig komið er fram við okkur og eitthvað þarf að gera.  En ég held að skriðan sé farin af stað.  Heyrst hefur að kennarar séu byrjaðir að segja upp því þeir vilja ekki bíða þangað til þeir frétta um kröfugerðina.  Þá fara flestir af stað svo mikil er trúin og til að forðast það að uppsagnarfrestur verði framlengdur vegna hópuppsagna þá hafa margir skilað inn sínu bréfi.