Samræmd próf

Þessi umræða er komin út á undarlegar brautir og rétt að benda á eftirfarandi atriði:

• Samræmd lokapróf í grunnskóla hvorki fjölga né fækka framhaldsskólaplássum. Í fyrra vor þurftu ákveðnir framhaldsskólar að vísa nemendum frá þrátt fyrir að nemendur höfðu lokið samræmdum prófum.
• Samræmd lokapróf eru ekkert betri mælistika á nemendur heldur en skólaeinkunnir, bara öðruvísi.
• Skólaeinkunnir hafa ekki bólgnað eins og ég útskýrði hér.
• Kennsla og nám í grunnskólum landsins er sem betur fer ekki einsleitt og því ekki hægt að mæla það með samræmdum prófum. Samræmd próf mæla vissulega ákveðna þekkingarþætti en alls ekki alla kunnáttu nemenda.
• Framhaldsskólarnir hentu út samræmdum stúdentsprófum fyrir nokkrum árum með þeim rökum að þeim sjálfum væri treystandi að meta sína nemendur. Þessi rök gilda líka fyrir grunnskólann.
• Það er ekki búið að afnema samræmd próf. Þau verða áfram í 4., 7. og 10. bekk.

Ráðherra skoðar inntökukerfið

Athugasemdir

[Gísli Baldvinsson (IP-tala skráð) 28.6.2009 kl. 11:28]

Mikið rétt! Ég tel að með haustinu eigi að vera sameiginlegur fundur Kennarasamb. og Heimili og skóla um þessi málefni. Mér finnst of margir tala um þessi mál af þekkingar/upplýsingaleysi.