Af hverju er ekki löngu búið að breyta þessu?

Hvers eigum við íbúar í Kraganum að gjalda? Af hverju er ekki búið fyrir löngu að leiðrétta þetta óréttlæti?

Ég hef kosið Samfylkinguna hér í Kraganum frá því hún var stofnuð og ég á heimtingu á að vita hvað þingmenn mínir (og annarra flokka) hafa gert til að reyna að breyta þessu.


mbl.is Tvöfaldur munur á atkvæðavægi
Tilkynna um óviðeigandi tengingu við frétt

Vinnubrögð endurreisnar

Hvílíkt rangnefni á hópi: Hópur áhugafólks um endurreisn Íslands.

Svona útúrsnúningar og kafbátahernaður eru ekki það sem við viljum sjá í endurreisninni.

Hvernig væri að Sjálfstæðismenn hættu þessu rugli og segðu okkur hvað þeir vilja sjálfir í stað þess að túlka og snúa út úr stefnu annarra?


mbl.is Áhugahópur um endurreisn kemur í ljós
Tilkynna um óviðeigandi tengingu við frétt

Eru þetta ekki tveir flokkar?

Er eitthvað óeðlilegt við það að tveir stjórnmálaflokkar hafi ekki sömu stefnu í öllum málum?

Hefur það ekki verið venjan eftir Alþingiskosningar að flokkar ræði saman í stjórnarmyndunarviðræðum og ef þeir vilja starfa saman þá gera þeir stjórnarsáttmála?

Það hefur alltaf legið fyrir að VG og SF hafa ekki sömu stefnu í Evrópumálum en hafi þessir flokkar áhuga á að starfa saman eftir kosningar þá hljóta þeir að ná samkomulagi.

Ef ekki þá ræða aðrir flokkar saman. Ég sé ekki vandamálið eins og margir bloggarar við þessa frétt.


mbl.is Evrópustefnan verði á hreinu
Tilkynna um óviðeigandi tengingu við frétt

Göngum hreint til verks

Nú er lag fyrir Sjálfstæðismanninn Gunnar Birgisson að ganga hreint til verks (slagorð Sjálfstæðismanna þessa daganna) og sýna fram á að þarna voru engin óeðlileg viðskipti.

Ekki dugir að senda upplýsingafulltrúann í fjölmiðla og benda á að önnur fyrirtæki hafi fengið meiri fyrirgreiðslu.


mbl.is Safna upplýsingum tíu ár aftur í tímann
Tilkynna um óviðeigandi tengingu við frétt

Alþingi á að starfa fram að kosningum

Ég er á því að Alþingi eigi að starfa alveg þangað til kjörstaðir opna 25. apríl. Þá getur þjóðin séð hvernig sjálfstæðismenn setja nýjar og hærri viðmiðanir í málþófi til að vernda hagsmuni Flokksins. Og Birni Bjarnasyni dirfist að gera það undir því yfirskini að "vernda heiður Alþingis."

Um þetta snýst málið:

  1. Að afnema varanlega vald til að gefa eða selja einkaaðilum sameiginlegar auðlindir þjóðarinnar.
  2. Færa almenningi vald til að geta haft bein áhrif á mál milli kosninga með ákvæðum um þjóðaratkvæðagreiðslur.
  3. Færa almenningi beinna vald til breytinga á stjórnarskrá með ákvæði um hvernig stjórnarskrá er breytt milli kosninga.

Mikill meirihluti þjóðarinnar er sammála þessum breytingum og það er algerlega óskiljanlegt að sjálfstæðismenn átti sig ekki á því. Á meðan reytist fylgið af Flokknum.


mbl.is Myndi fagna þúsund ræðum
Tilkynna um óviðeigandi tengingu við frétt

Mega nöfn ekki vera í stafrófsröð á kjörseðli?

Hvað er það sem má ekki? Mega nöfn ekki vera í stafrófsröð á kjörseðli. Ef flokkur héldi prófkjör og svo óheppilega vildi til að nöfnin kæmu í stafrófsröð, þyrfti þá að halda annað prófkjör?

Og ef flokkur vildi stilla upp lista, mætti hann þá ekki vera í stafrófsröð?


mbl.is Persónukjör ekki leyfilegt
Tilkynna um óviðeigandi tengingu við frétt

Önnur fyrirsögn - sama fréttin

Fyrir stuttu þá var heiti þessarar fréttar: Fylgið hrynur af Sjálfstæðisflokki.

Af hverju var fyrirsögninni breytt? Er sannleikurinn óþægilegur Mogganum?


mbl.is Samfylking stærst
Tilkynna um óviðeigandi tengingu við frétt

Orkuverð uppá borðið

Hvað eru álfyrirtækin að greiða fyrir orkuna? Af hverju er það leyndarmál? Þessi leynd gerir það að verkum að kjaftasögur ganga um verðið. Þeir sem eru hlynntir stóriðju segja að Landsvirkjun mali gull og þeir sem eru á móti stóriðju segja að Landsvirkjun sé að tapa á öllu saman.

Ég sem íbúi og skattgreiðandi í þessu landi á heimtingu á að vita hvað ríkisfyrirtækið Landsvirkjun er að selja orkuna á. Ef verðið er uppi á borðinu geta allir landsmenn tekið afstöðu til væntanlegra álvera í Helguvík og á Bakka. Þessi leynd er bara til þess að kljúfa þjóðina í tvennt auk þess sem hún tilheyrir gamla tímanum.

Allt uppá borðið.


mbl.is Fréttaskýring: Áliðnaðurinn á í vök að verjast
Tilkynna um óviðeigandi tengingu við frétt

Hefði átt að vera frá upphafi

Að sjálfsögðu á óperan að vera þarna líka. Hefði átt að vera þarna frá upphafi. 

Nú er bara að virkja krafta Gunnars Birgissonar sem ætlaði að byggja óperuhús í Kópavogi og fá hann niðrá höfn. Hann var líka búinn að snapa peninga sem ættu að nýtast í að klára húsið.


mbl.is Í athugun að óperan nýti tónlistarhúsið meira
Tilkynna um óviðeigandi tengingu við frétt

180 skóladagar nemenda eru bundnir í lög

Í 28 gr. grunnskólalaga stendur eftirfarandi:

Starfstími nemenda í grunnskóla skal á hverju skólaári vera að lágmarki níu mánuðir. Skóladagar nemenda skulu eigi vera færri en 180. Skipting milli kennsludaga og annarra skóladaga nemenda er á ábyrgð skólastjóra að höfðu samráði við skólaráð og að fenginni staðfestingu skólanefndar.

Það þarf því að breyta grunnskólalögum ef fækka á skóladögum nemenda niður í 170 daga. Það tekst nú varla fyrir kosningar. Eða ætla menn að breyta lögunum rétt fyrir skólasetningu í ágúst?

 


mbl.is Starfsmenn Akureyrarbæjar taki einn launalausan frídag í mánuði
Tilkynna um óviðeigandi tengingu við frétt

« Fyrri síða | Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband